CUMPLES OUTUBRO

NA CLASE DE CASI

NA CLASE DE CHELO NA CLASE DE YURE

"TABLETA MÁXICA", na clase de Chelo

Na clase de 4 anos OTO, sorprendeunos cunha "TABLETA MÁXICA" para traballar a grafomotricidade.

Escribimos co rotulador que vén coa tableta, e borramos con papel, ou tea, para poder utilizala cantas veces queiramos.

Cando a teñamos na casa, seguiremos practicando, para perfeccionar o trazo, e os números.

Xa a rematamos, e gustounos moito.

Botade unha ollada......

PIZARRA DIXITAL, na clase de Yure

Este venres Moncho e mais Bimba tíñanos unha sorpresa preparada, resulta que levaban toda a semana preparando uns traballiños para repasar todo o aprendido neste mes. Pero non uns traballiños normais coma os que temos na clase, traballos para a pizarra dixital!!!

Foi moi divertido escribir coas mans en diferentes cores, borrar na pizarra, tocar cousas e que desapareceran... e o millor foi que fixemos tódolos traballos moi ben e queremos repetir.

Mentres tanto aquí os deixamos a nosa experiencia a ver que vos parece.

VISITA DA NAI DE EMMA E NOA, na clase de Casi

Hoxe visitounos Sandra, a nai de Emma e Noa. Viu coa intención de facernos pasar un rato agradable; e vaia si o consegiu! Pasámolo xenial!!!

Con Sandra estivemos traballando con una pasta ou plasti, moi ben non sabemos o que era, que se chama "jumping clay".

Que é jumping clay? Pois é un material co que e poden crear un sinfin de experiencias creativas e excitantes. É unha arcila de cores fácil de manipular que estimula os cinco sentidos. Una vez seco o producto non pesa. Tedes, xa, claro o que é?

Pois con este material fixemos un pulpo, con suas patas, ollos e boca; e o decoramos cunha pluma. Despois pegámolo sobre un pau (que Sandra nos deu, e no que xa viña escrito o noso nome).

Jo, que ben o pasamos!!!

Moitísimas grazas Sandra, esperamos que volvas outro día.

Esperamos que vos guste o que fixemos!!!

O LIBRO DAS ESTACIÓNS, na clase de Yure

Bimba trouxo a clase de 5 anos o libro xigante das estacións para ensinarnos un montón de cousas que pasan no outono. Caen as follas, os paxaros emigran, comemos castañas... canto aprendimos!!! e moitas cousas mais que xa veremos máis adiante, aqui os deixamos un aperitivo.

O CULLARAPO CROQUE, nas clases de Casi e Yure

O Cullarapo Croque é unha actividade da Concellería de Normalización Lingüistica, a través do servizo de Normalización Lingüistica do Concello de Vigo.

A actividade está dirixida aos cativos e cativas que achega, a través da poesía, valores como o amor, respecto, a perda, a nosa lingua. Traballa relación poesía-música e remata con motricidade.

O cullarapo serve de fio conductor entre os poemas que viven neste libro, de 80 páxinas, cheas de poesía, de fermosas ilustracións e sobre todo de moita doxura. 

O cullarapo Croque é un libro do autor: Miguel Ángel Alonso Diz; que hoxe nos levou e acompañou a través desta viaxe, a través da música e da poesía.

Moitas grazas Miguel!!!

Máis información, sobre este fermoso libro: 

http://cullarapocroque.blogspot.com.es/

O COLEXIO CON OTO, na clase de Chelo

En 4 anos estamos a traballar O COLEXIO CON OTO e estamos a aprender a escribir o noso nome....."Alguns xa o sabemos"...e fixemos un debuxo do colexio, (no que estamos con OTO)

Esperamos que vos gusten.

ESTAPACIÓNS COS PES, na clase de Casi

LÚA A MASCOTA DOS NENOS E NENAS DE 3 ANOS, na clase de Casi

Os protagonistas nas clases de infantil, deste ano, son uns canciños chamados LÚA, OTO e BIMBA, que vivían xuntos na casa dun famoso científico, o doutor Emóticus. O científico pasaba moitas horas no seu laboratorio facendo experimentos. O seu obxectivo era encontrar unha fórmula maxistral para facer rir a xente.

Hai tempo, chamaron o doutor Emóticus para que comezase unha investigación moi importante nun lugar afastado, e tivo que marchar de viaxe.

Antes de marchar de viaxe, o doutor Emóticus deixou os cachorros con tres familias veciñas. Ata o seu regreso, cada canciño viviría con elas.

Lúa quedou cos papás de Noa e Mateo. Os seus novos amigos son dous xemelgos de tres anos cos que a cadeliña vive emocionantes aventuras.

Lúa axudará a Noa e a Mateo a enfrontarse a algunhas situacións dificiles. E eles están encantados de tela na casa.

Lúa non é unha cadeliña como as demáis. Desde que se manchou por accidente, ten unha mancha rosa arredor do ollo esquerdo.

Un día, Lúa, Oto e Bimba xogaban no laboratorio do doutor Emóticus, que acababa de inventar un líquido chamado "esencia de confianza".

Lúa mirou co seu ollo esquerdo polo tubo, e manchouno de cor rosa. Desde entón, se Lúa desexa algo con moita forza, mírao, mírao e...chas!, o seu desexo cúmprese.

Os nenos e nenas de 3 anos estamos encantados de tela na clase!

ESTAMPACIÓNS COAS MANS, na clase de Casi

Durante os primeiros días de clase, despois do periodo de adaptación, ademáis de traballar: hábitos e rutinas; estamos empezando a traballar a cor vermella e as diferentes partes do corpo.

Unha boa proba de como realizamos algúns deses traballos tédelo a continuación, na seguinte reportaxe. Esperamos que vos guste o que estamos a facer na aula!!!